S/Gaas Daahir Aadan Cilmi wuxuu ku dhashay Magaalada Gaalkacyo ee Gobolka Mudug. Wuxuu bilaabay waxbarashadiisii hoosee isagoo ku bartay Dugsiga hoose ee magaalada Buulo Burte.
S/Gaas Daahir wuxuu ku sii watay waxbarashadiisa Dugsiga dhexe ee American Missionary. Wuxuu ku dhammeystiray Shahaadada Dugsiga Sare Dugsiga sare ee Banaadir oo ku yaal Magaalada Caasimadda ah ee Muqdisho.
Markii uu dhammeeyay waxbarashadiisa, wuxuu si weyn u xiiseynaayey in uu ka mid noqdo Ciidanka milatariga Soomaaliya. Xiisihiisi wuxuu si dhakhso leh u noqday Sarkaal loo xilsaaray sanadka markuu ahaa 1968. Kaaliyaha Guddiga guud.
S/Gaas Daahir ayaa loo qaaday Odessa, Midowgii Soofiyeeti si uu u dhammaystiro tababarkiisii Akadeemiyadeed. Ka dib markii uu ku soo noqday Soomaaliya, Wuxuu bilaabay shaqadiisa asigoo ah Sarkaal Madaafiic oo ka howl gala waaxyada 21-aad iyo 26-aad ee Ciidanka XDS isagoo fuliyay shaqooyin kala duwan.
Ka dib sannado badan oo uu ka shaqeynayay waaxaha, wuxuu dhakhso u noqday Sarkaal xirfadeed Artillery. Kadib markii uu ogaadey hibadiisa S/Gaas Daahir waxaa dib loogu wareejiyay Taliska Ciidanka XDS waxaana loo magacaabay Madaxa Hoggaanka Artillery-ga ee Ciidanka XDS. Si loo sii horumariyo xirfadihiisa iyo aqoontiisa, waxa uu ka soo qaybgalay Taliya Taliska Guud ee Kulliyadda Kansas sanadkii 1984.
Markii S/Gaas Daahir uu dib ugu laabtay waddankiisii wuxuu qabtay hawlo kala duwan oo ka mid ah Milatariga Soomaaliya oo ay ku jiraan inuu noqdo Macallin sare oo ka tirsan Akadeemiyada Militariga ee sharafta leh ee Axmed Gureey. Wax yar ka dib markii loo magacaabay
Taliye ku Xigeenka Kulliyadda Jaalle Siyaad. Intii lagu gudajiray marxaladi dambe ee shaqadiisa S/Gaas Daahir waxaa loo wareejiyey Taliska Qeybta 60aad XDS, isagoo loo magacaabay Taliye ku xigeenka Qeybta inta lagu gudajiray socdaalkan waxaa la guddoonsiiyay billada ugu sareysa biladda dahabka ee Milatariga uu soo bandhigay Madaxweynaha Soomaaliya. Intii uu ku guda jiray hawshiisa, S/Gaas Daahir waxa uu ka shaqeeyey Soomaaliya oo dhan oo ay ku jiraan Waqooyiga, Bartamaha, Koonfurta iyo Qeybaha Galbeedka ee Qaranka.
Ugu dambeyntii 1991kii dagaalkii Sokeeye ayaa ka qarxay Soomaaliya, wax yar ka dib S/Gaas Daahir wuxuu ku laabtay Mareykanka.
Muddadii uu joogay Wuxuu sii waday waxbarashadiisa sanadaha soo socda isagoo wax ku baranaya Jaamacadda Massachusetts, Boston wuxuu ku qalinjabiyay Shahaadada koowaad (Bachelor’s Degree) ee Information Technology. Sanadkii 2012 S/Gaas Daahir wuxuu go’aansaday inuu dib ugu soo laabto Dalka Soomaaliya si uu u siiyo aqoontiisa iyo khibradiisa si uu gacan uga geysto dib-u-dhiska Ciidamada Qaranka Soomaaliya. Waxaa loo magacaabay inuu la-taliye sare u noqdo Dowladda Federaalka ah ee Soomaaliya si uu gacan uga geysto soo nooleynta Ciidanka Xoogga Dalka Soomaaliya.
Madaxweynaha DFS wuxuu u magacaabey Sareeye Gaas Daahir Aadan Cilmi inuu noqdo Taliyaha Ciidanka Difaaca ee Ciidanka Xoogga Dalka Soomaaliyeed 2013-2015. Waxay ahayd Agoosto 16-keedii 2018 in Sareeye Gaas Daahir Aadan Cilmi mar labaad loo magacaabay inuu mar kale noqdo Taliyaha Guud ee Ciidamada Qalabka Sida ee Soomaaliya. Magacaabista Sareeye Gaas Daahir waxay ahayd iftiinka codsi xoog leh oo ay u gudbiyeen Dowladda Federaalka Soomaaliya Saraakiisha Ciidanka XDS, Askarta iyo Shacabka Soomaaliyeed si ay mar kale dib ugu dhisaan Ciidamada Qalabka Sida ee Soomaaliya.
WQ:L/x/le Abuukar